Plantun de Prouvènço

Pèr coumpara dos planto d'encò nostre

Carex curvula subsp. rosae & Phleum alpinum

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Erbo-de-prat(-dis-Aup)

Phleum alpinum

Poaceae Graminaceae

Àutri noum : Bauco, Co-de-gàrri.

Nom en français : Fléole des Alpes.

Descripcioun :
Erbo-de-prat que trachis dins li coumbo à nèu, li prado umido e li palun de mountagno. L'espigo, pas trop longo (2 à 5 cm), a uno coulour griso emé de vióulet. Coume pèr tóuti li Phleum, fau regarda li glumo pèr s'assegura de l'espèci (lùpi). L'erbo-de-prat-dis-Aup a de lòngui arèsto (fotò), e au contro de Phleum rhaeticum aquéli soun pas ciliado au bout (peréu l'espigo d'aquesto èi bèn mai grando). Coumpara emé l'erbo-de-prat-retico que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Phleum
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 4(6) cm
Flourido : Printèms - Estiéu

Sòu : Si (Ca)
Autour basso e auto : Pancaro entresigna
Aparado : Noun
Jun à avoust

Liò : Prado umido - Coumbo à nèu - Palun de mountagno
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Phleum alpinum L., 1753 (= Phleum alpinum subsp. alpinum )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex curvula subsp. rosae & Phleum alpinum

ges

Coumpara Queirello(-enarcado) emé uno autro planto

Coumpara Erbo-de-prat(-dis-Aup) emé uno autro planto